بنت ماتستحي !!!!!

قصة بنت كانت تنآظر واحد بعين قويـّـه المهم الرجال طلع شاعر وما قصر فيها

كم بيت عشان تتأدب لكن المفاجأه هي ؟

كل شبر بهالوسعيـه ملـك ربـي تعلميـن

واعلم ان اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد اسمعي وحتى لو ما تسمحيـن

المهـم اللـي بقولـه تسمعينـه و يسمعـون

ع الاقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن

وفيـك جازم لا ركـادة ولا حيـاء يـذكـرون

تعرفينـي اعرفـك مااذكـر انــا ملتقـيـن

لا اعرفك من تكوني و لا تعرفي مـن اكـون

واطمأني ان كان قصدك بس فينـي تشبهيـن

ما هـو انـا إلي تعرفيـه والبشـر يتشابهـون

مـا دريتـي من التشابـه يخلـق الله اربعيـن

واعرف اربع يشبهنك بـس والله يستحـون

وان كان قصدك شي ثاني عاد قولي وش تبين

خايف إنا نصير فرجة واللي ماشتروا يتفرجـون

واذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن

ما هو انا الف غيري بـاب بيتـك يطرقـون

وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون

انتـي خرسـا اسالـك ولا منتي تسمعيـن

قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن

ما دريت الا عيونـي اربـع اربـع يذرفـون

اه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون

قلت سنة هالحياة وحـن ترانا مؤمنين

الله اللي مسيرنا بيـن كاف وبين نون

وكل ابونا نختلف مع اننا من اصل طين

سبحان يلي مصورنا ولله في خلقه شؤون

يعني حنا كل ابونا عاد اسمنا بنادمين

وليا قضى ربك امر وقال له كن فيكون

فينـا يلـي رازقه خيـر رب العالمـيـن

وفينا يلي هو لعطفه بحاجة القلـب الحنـون

وفينا يلي مـا شكى مـن علـةٍ كالاخرين

صـمٌ و بكمٌ و عميٌ فهم لا يفقهون

بس قليل عـد فينا للنعم هم شاكرين

والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهين

وإن مانعمت ابصارنا قلوبنا هم اللي يعتمون

يالكفيفة يالعفيفة ان قلت اسف تقبلين

يغفر الله ذنوب عبده ليا خطا وهل تغفرون

مشرف عدد المساهمات : 62 تاريخ التسجيل : 02/09/2009

ابداااااع تقبلي مروري