بنااااات الخليج

بنات الخليج ... منهو يحاكي حلاكن ..... انتن جمال الكون كله مجتمع فيكن

الحـــلا ... نجم ساطع تعلا في سماكن ...... حتى السحابة لغيابكن تبكي عليكن

قلتها وقالوا ...

قالوا .... روووووووح إنتا شوف ....!

قلت ...... وشو أشوف !!

قالوا ....

أوربا و آسيا
فيهن أحلى وصوف

والشرق الأوسط غير الخليج
فيهن أجمل طيوف

أنت بس جرب وشوف

قلت أنا : يا ناصحي ...

شووووووف

القمر من طبيعتي أحبه
والخليجية أحلى قمر

وغيرها يمكن قمر

بس ....

قمر من عقب الكسوف

....

مهما تهيأت لي من ظروف
مهما عدوا لي من وصوف
مهما مرت بي من طيوف

غير الخليجية
غير الخليجية

عيني لا يمكن تشوف

حتى وإن شافت

تشووووف

وبسرعة تعوف

لأني من طبيعتي

احب القمر صادق
ما احب القمر عقب الكسوف

*****
****
***
**
*

إماراتية

يا عيوني

إمارات العز فيها والجمال .....

.

هي دلال

لا

والله ويستحي منها الدلال

..

هي جمال

لا

هي بنت الحسن كله والجمال

**

في قلبها
تلقى بحر من المحبة غزير

في عيونها
تلقى لمحة من الجمال الكبير

هي (( كلها )) في (( حلها )) وترحالها

ما تنوجد

فيها صفاوة (( أحلابها )) و (( أحلالها ))
*****
****
***
**
*

بحرينية

يا حياتي

طعم البحر والغوص والماضي الأصيل ....

.

فيها كل شيءِ جميل

نعم

بنت البحرين كل المدايح فيها قليل

..

هي الدواء وهي الشفاء للي عليل

نعم

هي غاية الفتنة ولا أرضى بديل

**

في حسنها
يحتار اللي يبي يعدد مزاياه

كلش حلو
حتى الحلا يحتار في زايد حلاها

هي (( كلها )) في (( حلها )) وترحالها

ما تنوجد

فيها حلاوة (( أحلابها )) و (( أحلالها ))
*****
****
***
**
*

سعودية

يا قلبي

هي الدلع هي الولع هي القمر ليمن طلع ....

.

سبحان منهو فيها المحاسن جمع

نعم

ما أحد مثلها شاف ولا أحد مره سمع

..

مدري هي مجموعة حلا ولا الحلا فيها إنجمع

نعم

هي القمر هي البدر هي النجم يوم ارتفع

**

في صمتها
يجتمع كل الشرف والمعزة والمعالي

وفي هرجها
يلتقي كل الحسن والصفا والدلالي

هي (( كلها )) في (( حلها )) وترحالها

ما تنوجد

فيها نقاوة (( أحلابها )) و (( أحلالها ))

*****
****
***
**
*

عمانية

يا شوقي

في زينها يحكي من شافها ولو مرة ....

.

لا شفتها بس ابشر بالمسرة

نعم

بأخلاقها وعيونها والجسم والغرة

..

ثوب الحسن في خطواتها تمشي وتجرة

نعم

هي دانة المزايين وهي نفسها درة

**

في عينها
كل الحلا ,, وفي وجهها كله

سيف الجمال
هي وحدها بين المزاين تسله

هي (( كلها )) في (( حلها )) وترحالها

ما تنوجد

فيها سطاوة (( أحلابها )) و (( أحلالها ))
*****
****
***
**
*

قطرية

يا روحي

لا تدور للزين إذا ما لقيته في قطر....

.

فيهن أحلى وفيهن اجمل بشر

لا

هن بس ولا غيرهن ساحرات النظر

..

جمالهن طاغي وبارع بدو وحضر

نعم

كم واحد قبلي وبعدي في حلاها انبهر

**

في روحها
تلقى روح محبوبة وتنحب بكل أريحيه

ما فيها كبر
ولا فيها غرور هي كلها قطعة جاذبيه

هي (( كلها )) في (( حلها )) وترحالها

ما تنوجد

فيها شقاوة (( أحلابها )) و (( أحلالها ))
*****
****
***
**
*

كويتية

يا عمري

الزين كله والحلا في كويت المحبة والحبايب لقيناه

.

بنت الذهب كل الذهب في ملاقاها

نعم

بنته ذهب بالغلا والحلا يوزن غلاها

..

بجمال روحها وأوصافها محدن معاها

نعم

ما يلام اللي بكل غالي وغالي وغالي فداها

**

في وصفها
الشعر يوقف ما يحصل معاني

الله واكبر
يا بيت الشعر في ذكرها كم تعاني

هي (( كلها )) في (( حلها )) وترحالها

ما تنوجد

فيها زهاوة (( أحلابها )) و (( أحلالها ))

مشرف عدد المساهمات : 62 تاريخ التسجيل : 02/09/2009

وشو هاي المدح ف الخليجيات والله شوف كيف الوجه لما يحطو عليه صبغ تقول جني خخخخخ

» ملك جمال الخليج عبدالعزيز كسار (صور)